Ministrja e Drejtësisë, Albulena Haxhiu, mbrëmë ka folur rreth punësimit të familjarit të zëvendëskryeministrit Besnik Bislimi, në Agjencinë e Kosovës për Akreditim.
Haxhiu, ndër të tjera tha se Bislimi i ka treguar se nuk e takuar atë në 50 vitet e fundit.
“E pyeta për kureshtje tha se ndoshta në 50 vjetet e fundit ndoshta e kam takuar njëherë, Nuk e mbaj në mend se çfarë e ka”, tha ajo në Kanal10.
Mirëpo, sipas CV-së së Tosunit të publikuar në Universitetin e Gjilanit, aktualisht ai ka 46 vjet.
Kujtojmë se Gëzim Tosuni, nipi i Besnik Bisilimit, është propozuar për anëtar të KShC-së nga qeveria, në të cilën daja i tij ushtron pozitën e dytë më të rëndësishme.
Për një votë pro propozimit të Tosunit – ish-Dekan i Fakultetit Ekonomik të Universitetit Publik të Gjilanit – dorën e ngriti edhe daja i tij, Besnik Bislimi, njeriu i dytë i qeverisë.