Ministri i Shëndetësisë, Armend Zemaj, ka deklaruar se të gjithë mund të testohen për koronavirus, sepse tani ka lejuar që këtë shërbim ta japin edhe nëpër Qendrat Kryesore të Mjekësisë Familjare.
- Advertisement -
“Gjithë qytetaret mund ta bëjnë testin serologjik në bazë të kushteve dhe kompetencave që i janë dhënë qendrave kryesore familjare. Kriteret për testim janë shkencore, pra ato që i japin profesionistët shëndetësor”, deklaroi Zemaj gjatë një konference për shtyp nga Spitali i Prizrenit.
Ai bëri me dije shpenzimet e testimeve aty janë barre e shtetit.
Ndërkaq, sa i përket masave antiCOVID, udhëheqësi i MSH-së u shpreh se si ministër funksionon në bazë të rekomandimeve që japin ekspertët shëndetësor dhe se në atë mënyrë edhe merren vendimet.