Kryetari i Republikanëve të Kosovës Faton Kurti, ka thënë se në emër të tij dhe partisë që ai drejton, po qarkullon një lajm i rremë.
Ai ka thënë se kjo parti nuk po organizon asnjë Kuvend zgjedhor, ashtu siç po raportohet në media.
Kurti ka paralajmëruar padi në gjykatë dhe pasoja ligjore për keqpërdoruesit e emrit të tij dhe partisë së Republikanëve të Kosovës.
Reagimi i Kurtit në Facebook:
Në emrin tim dhe në emër të Partisë Republikanët e Kosovës po qarkullon një lajm i rremë.
Partia që drejtoj unë nuk po organizon asnjë Kuvend as në Kosovë as tjetërkund.
Partia Republikanët e Kosovës ekziston që prej vitit 2014 dhe Kuvendin e dytë e kemi mbajtur dy vite më parë.
Njoftoj miqtë, anëtarët, simpatizantët dhe dashamirësit e Republikanëve ta injorojnë këtë ftesë pasi ajo nuk vjen prej meje dhe as prej partisë që drejtoj.
Ndërsa për ata që po keqpërdorin emrin tim dhe të partisë Republikanët e Kosovës do të ketë pasoja ligjore dhe padi në gjykatë.
Faton Kurti
Kryetar i Republikanët e Kosovës REK
P.S: Ky është lajm i rremë që po qarkullon
