Një trup i pajetë i gjetur të dielën në lindje të Belgjikës mund të jetë i një ushtari që dyshohet për pikëpamje të ektremit të djathtë i cili u zhduk pasi vodhi ar.mët nga një bazë ushtarake dhe kërcnoi figurat publike, thanë prokurorët, raporton agjencia franceze e lajmeve, AFP, transmeton France 24.
“Sipas elementëve të parë të hetimit, është Jurgen Conings”, tha Prokuroria në një deklaratë.
“Shkaku i vdekjes ka të ngjarë, sipas gjetjeve fillestare, t’i atribuohet vetëvrsjes me ar.më zjarri”, shtohet në deklaratë, megjithëse kjo mbetet për t’u konfirmuar.
Qindra policë dhe një personel i ushtrisë që muajin e kaluar u vunë në kërkim të Conings, 46 vjeç, pasi automjeti i tij i braktisur u gjet në zonën afër kufirit hollandez me katër raketahedhës brenda.
Conings, i cili thuhet se shërbeu në Kosovë, Irak dhe Afganistan, besohej se ishte i ar.matosur dhe i rrezlkshëm pasi ai dyshohej për vjedhje ar.mësh nga një bazë ushtarake ku ai punonte si instruktor.
Zbulimi u raportua për herë të parë pasi një kryebashkiak i qytetit të dielën. Ai tha se e kishte gjetur trupin gjatë një udhëtimi me biçikletë në një pyll afër vendit ku u gjet makina e Conings muajin e kaluar.
“Gjatë turit tim me biçikletë malore këtë mëngjes, në një pjesë ku pak njerëz vijnë, unë ndjeva një erë të fortë”, tha Johan Tollenaere për VRT news.
“Unë menjëherë mendova për Jurgen Conings dhe e njoftova policinë. Ata e gjetën trupin”, tha ai.
Midis njerëzve që Conings e kishte kërcnuar është Marc Van Ranst, një virolog që është bërë shënjestër e teoricienëve të konspiracionit, skeptikëve të koronavirusit dhe ekstemit të djathtë flaman në Belgjikë gjatë krizës së pandemisë.
Më vonë u zbulua se Conings ishte në një listë vëzhgimi për pikëpamjet e tij të ekstrmit të djathtë dhe kishte qasje në ar.më.