Novak Djokoviq është xhiruar duke kënduar këngë FASHlSTE serbe përkrah prindërve të vet gjatë një vizite në Beograd javën e kaluar.
Djokoviq u rikthye në kryeqytetin serb për një vizitë të shkurtër javën e kaluar pas triumfit në Australian Open në fillim të këtij viti, ku e fitoi grand slamin e 22-të në karrierë.
Por tenisti 35-vjeçar, i njohur për qëndrimet e tij nacionaliste, u pa duke kënduar me plot zemër këngë nacionaliste në restorantin e familjes së vet në Beograd.
Kako su pocinjali ratovi devedesetih: pic.twitter.com/x2BRRuzFac
— Biljana (@biljanicaaa) February 19, 2023
Djokoviq, babai i të cilit u lind në Zveçan, njihet si mohues i krimeve serbe në Bosnje dhe Kosovë dhe ka qenë kundërshtar i zëshëm i pavarësisë së Kosovës.
Djokoviq, i cili pasi Kosova e shpalli pavarësinë më 2008 doli me një mesazh kundërshtues duke e quajtur Kosovën Serbi, vazhdon të mbajë qëndrim të njëjtë edhe 15 vite pas.
Jo vetëm kaq, numri një i botës në tenis është parë edhe duke u shoqëruar me kriminelë lufte nga Serbia.
Hiç më larg se vitin e kaluar, Djokoviqi u fotografua përkrah ish-komandantit të njësisë famëkeqe paramilitare dhe kriminale të Serbisë “Ujqit nga Drina”, e cila është përgjegjëse për kryerje të gjenocidit kundër myslimanëve të Bosnjës në Srebrenicë.
Në Serbi Jolovic nderohet si shpëtimtari i jetës së kriminelit të dënuar të luftës, Ratko Mladic, gjatë luftës në Bosnje në fillim të viteve 1990-ta.
Në vitin 2017, Gjykata e OKB-së e shpalli Mladicin, ish-gjeneralin serb të Bosnjës, fajtor për krime lufte në Bosnje dhe e dënoi me burgim të përjetshëm.
Gjatë një vizite së fundmi në Bosnje, Djokovic u pa duke kënduar në një dasmë bashkë me anëtarin serb të presidencës së Bosnjës, Molorad Dodik, i cili është i njohur si mohues i gjenocidit dhe i cili vazhdimisht bën fushatë për ndarjen entitetit të Bosnjës të udhëhequr nga serbët, Republika Srpska, nga Bosnja.
Ndërkohë, sivjet në Australi, babai i Djokoviqit, Srdjan Djokoviq, u fotografua me bandën ruse të presidentit të Rusisë, Vladimir Putin.
Srdjan u takua me ta jashtë stadiumin Rod Laver Arena dhe bëri fotografi me një tifoz që e kishte veshur një fanellë me simbolin “Z” në gjoks, i cili e mbante në dorë edhe një flamur rus me një fotografi të madhe të fytyrës së Putinit.
Në video, e cila u postua në rrjetet sociale, Srdjan Djokoviq dëgjohet duke thënë “zivjeli Russiyani”, apo “rrofshin rusët”, para se të largohet.
Njeriu me të cilin Srdjan u pa duke qëndruar po ashtu ka të veshur një fanellë me logon e bandës ruse të motoçikletave “Ujqerit e Natës”.