Crvena Zvezda nuk u lejua që të hynte sot në Kosovë për të zhvilluar ndeshjen e Kupës së Serbisë kundër Trepçës[Skuadër që bën gara në Ligën e Tretë të Serbisë]
Policia e Kosovës në Zveçan ndaloi autobusin e klubit serb si dhe veturën e drejtorit të përgjithshëm, Zvezdan Terzic që të kalonin kufirin pasi kishin marrë urdhër nga Qeveria e Kosovës, shkruan Reporteri.net
- Advertisement -
Policia e Kosovës fillimisht ia kishte kërkuar dokumentet, por më pas i treguan se ata nuk kanë të drejtë të futen në Kosovë.
Drejtori i Zvesdës, Terzic, i pyeti policët se pse nuk po lejohen që të hyjnë dhe përgjigja që mori ishte se ky është një urdhër i Qeverisë së Kosovës.
Në videon e mëposhtme mund ta shihni diskutimin që pati Terzic me Policinë e Kosovës.