Gjatë ditës së djeshme, në degën e Gjykatës Themelore në Suharekë është mbajtur një seancë gjyqësore ku është trajtuar rasti i ng*cmimit nga një nxënëse për ish-profesorin e saj – rast i cili është duke u trajtuar që nga viti 2018.
Avokati i palës paditëse, Ruzhdi Gashi, ka thënë se ish-nxënësja e shqetëson ish-profesorin dhe është e fiksuar me të.
Ai deklaron se nga ana e profesorit nuk ka pasur asnjë veprim që të nxisë këtë sjellje të studentes së tij, gjë që sipas tij është konfirmuar edhe nga ajo.
Sipas tij deklarata e vajzës në Gjykatë ka qenë se e dashuron profesorin dhe asgjë tjetër.
“Objekt i çështjes është ng*cmim nga ana e një femre për një profesor të nderuar dhe të respektuar. I dë*tuari që e përfaqësoj unë është ngacmuar nga një femër, ish-nxënëse e tij para 5-6 vjetësh. I ka dhënë mësim dy ose tre muaj dhe ajo shkon te vendi i punës, në rrugë, në shtëpi ose kudo që është diku. I çon mesazhe në Facebook, Instagram dhe rrjete të tjera sociale. E shqetëson me pretendimin që “unë të dua” dhe asgjë tjetër”, është shprehur ai.
Vajza nga Suhareka është dënuar një herë, por e njëjta e ka përsëritur veprën penale.