Një qytetar i Kosovës ka bërë thirrje për mbajtjen e një proteste kundër maskave e vaksinave.
Protesta është paralajmëruar të mbahet sot (2 shtator) në Prishtinë.
Organizatori i kësaj proteste, Arianit Sllamniku ka thënë ka pasur presion për anulimin e protestës.
Ai, fillimisht ka thirrur këtë protestë për datën 1 shtator por kërkesa nuk iu është pranuar në polici.
“Kërkesa më është refuzuar sepse duhet te paralajmërohet para 72 ore. Por unë mundem me e njoftu 24 ore përpara dhe policia mos me ma miratu, por çështje presioni për anulim” tha ai për Insajderin.
Sipas njoftimit, protesta do të filloj nga sheshi “Zahir Pajaziti” për të vazhduar para qeverisë.
Protesta paqësore është paralajmëruar që do të mbahet në orën 12:00.
Po ashtu për këtë protestë, Sllamniku është dënuar 35 euro nga policia sepse ai nuk kishte maskë në momentin kur ka dërguar kërkesën.