Osmani në një takim me kongresmenin Engel: Kosova është me fat që ka miq të mëdhenj

Kandidatja për kryeministre nga radhët e Lidhjes Demokratike të Kosovës, Vjosa Osmani, po qëndron ende në Shtetet e Bashkuara të Amerikës.

Në kuadër të vizitave të saj, Osmani është takuar me kongresmenin Eliot Engel, kryetar i Komisionit për Punë të Jashtme në Dhomën e Përfaqësuesve.

Ajo tha se Kosova është me fat që ka miq të mëdhenj si ai, që nuk u ndalën së përkrahuri popullin kosovar.

“Në takim me kongresmenin Eliot Engel, kryetar i Komisionit për Punë të Jashtme në Dhomën e Përfaqësuesve. Kosova është me fat që ka miq të mëdhenj në Kongresin e Shteteve të Bashkuara, të cilët kurrë nuk u ndalën së përkrahuri popullin tonë”, ka shkruar ajo.