Kryetari i AKR-së, Behgjet Pacolli, ka thënë se Kosova është i vetmi vend ku i është ndaluar aterrimi me aeroplan, për këtë ai ka thënë se kurrë nuk di të ia falë Albin Kurtit.
Ai ka thënë se dikush po i shfrytëzon të rinjtë e vendit duke i përdorur ata.
“I ka shfrytëzuar të rinjtë me problemet e tyre. Ua ka shpërlarë trurin. I ka mbledhur dhe i ka qitë nëpër rrugë. Nëse shkon nëpër shkollat e tyre e shikon se ata janë nxënësit më të dobët. Ky është dëmi më i madh që i ka ndodhur Kosovës. Ka njerëz me mbiemër Pacolli, edhe pse flasin ashtu unë kërkoj falje në emër të tyre për shkak që mbajnë mbiemrin e familjes time. Popullata është duke besuar në doktrina të tilla“, ka thënë ai.
“Kryeministri i vendit doli në intervistë dhe tha se do të më arrestoj aty ku jam. E tha ai vetë. Nuk mund ta pranoj këtë fakt për një vend ku kam kontribuar shumë. Vetëdija e qytetareve eshte rritur. Unë shpresoj tek ta. ”, shtoi ai.