Nga Viktor Buzhala
Po raportohet që kompanitë kosovare s’po gjejnë punetorë. Vec jepni rroga të pakten nga 500 euro se unë ju gjej me shumicë. Jeni mësu me paga ma të uleta se sociali, me i maltretu me 100 punë shtesë e vet me be luks me kerre luksoze. Ashtu grahni vet!
Kosovarët janë popull punëtor po u paguan. Nëse s’besoni, pyetni në Gjermani e Zvicër. Ata i paguajnë mirë dhe i kanë punëtorët më të zellshëm. Gjermania gjithmonë e gjen një alternativë për të marrë të rinjtë tanë. Jo që na do, por që ka interes prej nesh.
Merr, madje punëtorë, shumë prej tyre të shkolluar me nga 20 vjet. I marrin të gatshëm, pa paguar centin.
Kompanitë kosovare duhet të mbushen mend. Asetet njerëzore janë kryesoret për çdo biznes. Duhet ti paguani që ti mbani. Madje, ti paguani fort. Ndryshe do t’ju ikin. Qindra mijë po e presin përfundimin e pandemisë me padurim t’ia therin nga këtu.
Mund të zgjedhni të sjelleni me ta si me vëllëzërit e motrat tuaja, pasi jeni të një gjaku. Po nuk deshet ta bëni ktë, sjelluni të paktën siç sjellen gjermanët e zvicranët. Ata nuk vozisin si ju Audi Q8, por kosovarët i paguajnë, mirë madje. Sepse në vend të llastrave, iu japin prioritet njerêzve. Mos lejoni të shtjerret Kosova. Ndryshe, keni me përfundu tu punu vet. Në fund atyre bizneseve keni me ia shti drynin. E bashkë me to, edhe Q8’snat keni me i shitë për hekra.