Në Qendrën e Numërimit dhe Rezultateve, ka përfunduar procesi i numërimit të fletëvotimeve të ardhura nga diaspora. Gjithsej janë numëruar rreth 4451 vota, ku partia fituese e zgjedhjeve, Lëvizja Vetëvendosje, ka dalur e para.
Lëvizja Vetëvendosje ka gjithsej 2083 vota. Ndërsa Lidhja Demokratike e Kosovës, ka grumbulluar 1053 vota. Derisa Partia Demokratike e Kosovës, e cila përfundoi e treta në këto zgjedhje, ka vetëm 555 vota nga 4451. Koalicioni AAK-PSD ka 281 sosh. E koalicioni tjetër Nisma-AKR, koalicion që ende nuk po dihet nëse do ta kalojë pragun zgjedhor, ka 187 nga 4451 vota.
Ja tabela e përgjithshme.
LVV – 2083
LDK – 1053
PDK – 555
AAK, PSD – 281
NISMA – 187
Zëdhënësi i Komisionit Qendror të Zgjedhjeve, Valmir Elezi, ka thënë para mediave se pas vendimit të Gjykatës Supreme kanë filluar me procesin e vlerësimit të pakove të supozuara me fletëvotime.