Një debat i ashpër është zhvilluar në mes të zv/kryeministrit, Driton Selmanaj dhe kryetares së Kuvendit, Vjosa Osmani.
E gjitha erdhi për nismat e iniciuara nga Kuvendi ndaj ekzekutivit të Republikës.
“Ne si Qeveri nuk jemi përgatit të flasim kaq me këtë zhurmë dhe përmbajte. Është pika e parë e rendit të ditës. Nëse keni mirëkuptimin e qeverisë. Për LDK dhe Qeverinë e koalicionin se cfarë epiteti i jepni, ne nuk merremi. Çfarëdo që keni thënë Ju VV-ja ka dal e kundërta. Zonja kryetare, me Kushtetutë keni të drejtë nisma legjislative. Ne jemi të hapur”, ka thënë Selmanaj.
Ndërsa, Osmani ka reaguar ndaj tij duke i quajtur dezinformata deklaratat ndaj saj. Ajo theksoi se ka muaj të tërë që Kuvendi i ka iniciuar dhe i ka dërguar për opinion.
“Nuk po ju besoj veshëve çfarë dëgjova. Zv/kryeministri thotë “sillni nëse dëshironi me iniciuar në Qeveri”. Ka kohë që i kemi sjellë në Qeveri për opinion. 3 nisma legjislative. 25 marsit deri me 3 qershor e keni bllokuar ju që po thoni është i njëjti popull”. Nëse po ju pengon emri im, për ligjin anti-covid, unë e tërheqi emrin tim”, është shprehur ajo.