Kanë dalë prova të reja se Vladimir Putin dhe komandantët e tij të rangut më të lartë po drejtojnë luftën në Ukrainë nga bunkerë bërthamorë top-sekret.
Në bazë të lëvizjeve të avionëve të përdorur nga zyrtarët e lartë të Kremlinit pretendohet se Putini mund të jetë në një strehë pranë Surgut në Siberinë perëndimore, dailymail.
Ministri i tij i mbrojtjes Sergei Shoigu – i cili ka munguar në mënyrë misterioze për disa javë, duke ndezur thashethemet për shëndetin e tij – besohet të jetë në një bunker pranë Ufa në Urale, 725 milje në lindje të Moskës, sipas gazetarit investigativ Christo Grozev.
Kjo teori mbështetet nga vajza e tij Ksenia Shoigu, 31 vjeçe, e cila vizitoi Ufa-në ku u fotografua – për rreth tre ditë nga 22 marsi, pasi spekulimet ishin të shumta se ministri i mbrojtjes kishte probleme me zemrën.
Ajo gjithashtu ndaloi papritur aksesin e publikut në Instagramin e saj ku kishte pozuar me fëmijën e saj në ngjyrat blu dhe të verdhë të Ukrainës.
Përdorimi i bunkerëve të sigurisë së lartë – nëse konfirmohet – është alarmues pasi sugjeron se Putini mund të përgatitet për përdorimin e armëve bërthamore, një veprim që do të çonte në hakmarrje të pashmangshme.
Grozev – i cili ka lidhje me gazetën hetimore britanike Bellingcat – tha: “Jam absolutisht i sigurt që Shoigu është në një bunker”.
“Duke ndjekur lëvizjen e avionit të tij, shohim fluturime shumë të shpeshta për në Ufa”.
“Duke ditur se në këtë rajon ka edhe bunkerë të mbrojtur, kjo jep një përgjigje të qartë për vendbanimin e tij”.
Në një intervistë për kanalin Ukraine-24, ai i tha spikerit të TV Yevgeny Kiselyov: “Ky është versioni ynë shumë i justifikuar”.
“Unë besoj në të dhe e konsideroj një përfundim thjesht analitik. Nuk mund të ketë asnjë përfundim tjetër”.
“Nëse strategjia e luftës e Kremlinit supozon një sulm bërthamor – dhe e bën – siç tha vetë [Dmitry] Peskov [zëdhënësi i Putinit] në CNN disa ditë më parë, atëherë nuk mund të ketë asnjë version tjetër”.
“Nëse ka një vendim për një sulm të mundshëm bërthamor, ata nuk mund ta fshehin më pas udhëheqjen ushtarake”.
“ Ato duhet të fshihen paraprakisht”.
“Jam absolutisht i sigurt se ai është në një të ashtuquajtur bunker, dhe duke ndjekur aeroplanin që ai zakonisht fluturon, ne shohim fluturime shumë të shpeshta, pothuajse të përditshme për në Ufa”.
“Duke ditur se ky rajon ka ata bunkerë shumë të mbrojtur, kjo na çon në përfundimin e qartë”.
Ai beson se Putin ka një bunker tjetër diku tjetër.
Me shumë mundësi ai është diku tjetër, sepse ne po shohim fluturime të tjera, dhe ato janë më të klasifikuara se fluturimi që shkon në Ufa”.
“Këta janë avionë shtetërorë dhe i fikin transponderët e tyre diku rreth Surgut.”
Ky është kryeqyteti i naftës i Rusisë dhe është rreth 1800 milje në verilindje të Moskës.
“ Duket se faza përfundimtare është mjaft e fshehtë dhe ka shumë të ngjarë që atje të ketë një bunker më elitar, me elitën e qeverisë.”
Më parë ka pasur pretendime se Putini kishte zhvendosur të afërmit e tij të ngushtë në një bunker në malet Altai, rreth 1,100 milje në juglindje të Surgut dhe 2,360 milje në lindje të Moskës.
Gjthashtu, Grozev deklaroi se shefi i Shtabit të Përgjithshëm të Forcave të Armatosura të Rusisë, Valery Gerasimov, po vepron nga një bunker.
Rastësisht vajza e ministrit të mbrojtjes Ksenia Shoigu duket se ka qenë në Ufa mes 22 dhe 25 marsit.
“Sot jemi në Ufa, për një vizitë pune”, postoi ajo në kanalin e saj Telegram më 22 mars.
Ajo është presidente e Federatës Ruse të Triatlonit dhe promovon një shoqatë bamirësie të quajtur Lidhja e Heronjve.
Ajo vizitoi parkun ushtarak Patriot në ndërtim pranë Ufa.