Pas qëndrimit në arrati për një kohë, kosovari i kërkuar nga Gjykata Themelore në Pejë, ndaj të cilit kishte urdhëresë aktive, është kapur të mërkurën në Aeroportin Ndërkombëtar të Prishtinës “Adem Jashari”.
I dyshuari A.G., ishte shpallur në kërkim pasi ndaj tij ishte lëshuar urdhër arrest nën dyshimin për kryerjen e veprës penale “Sulm”. Burimet e Sinjalit kanë bërë me dije se Policia zbarkoi në Aeroport posa e kuptoi që i njëjti ishte nisur të kthehej në Kosovë
Posa i njëjti ka zbritur dhe ka përfunduar procedurat e nevojshme është kapur nga Policia dhe më pas është shoqëruar në stacion policor, teksa është vënë në dijeni edhe Gjykata Themelore në Pejë.
Me aktvendim të lëshuar nga gjyqtarja e këtij rasti, të dyshuarit i është sekuestruar pasaporta dhe gjatë ditës së sotme ka dalë para gjyqtarit të procedurës paraprake.