Protesta “Drejtësi për gratë e vrara”, e thirrur në mbrojtje të jetëve të grave, sapo ka nisur në Ferizaj. Në protestë shihet numër i madh i pjesëmarrësve që po kërkojnë drejtësi për vrasjen e 18-vjeçares M.O,.
- Advertisement -
Shumë gra po mbajnë në duar pankarta me mbishkrime të ndryshme, duke u bërë thirrje institucioneve dhe qytetarëve që mos ta normalizojnë vrasjen e grave.
Protestuesit kanë gjuajtur edhe ngjyrë të kuqe drejt policise, duke brohoritur ‘Policia i ka duart me gjak’.
Protesta është organizuar pas rastit tragjik në këtë komunë, ku një 18-vjeçare dyshohet se u vra nga partneri i saj dhe më pas është lënë në Spitalin Rajonal të Ferizajt nga ai edhe një person tjetër i dyshuar, i cili ndodhet në pranga.