Kreu i radikalëve serb Vojsllav Sheshel në një adresim për opinionin ka “zbuluar” planin e ferrit për Serbinë nga BE.
“ BE dëshiron që Serbia të njeh Kosovën dhe të pajtohet me marrjen e territorit të saj dhe të ndahet nga aleati i saj më i rëndësishëm Rusia”.
Në adresimin e jashtëzakonshëm për popullin dhe opinionin ai theksoi se “BE dëshiron që Serbinë ta kthejë kundër Rusisë si aleatin e saj më të rëndësishëm”.
I pari i listës zgjedhore të Partisë Radikale Serbe (SRS) Vojsllav Sheshel deklaroi se “Serbia për shkak të euro-integrimeve me dekada po shkatërrohet, andaj duhet të heq dorë nga të bërit anëtar i BE-së. BE e shikon Serbinë vetëm si një pasuri, si periferi të saj dhe kërkon nga Serbia që të pranojë pavarësinë e Kosovës dhe të pajtohet me marrjen e territorit të saj”, tha Sheshel.
Ne duhet të ndryshojmë politikën tonë të jashtme, pasi BE dëshiron që të na kthejë kundër Rusisë aleatit tonë të përhershëm.
“Serbia duhet të bëjë ndryshime në politikën e jashtme dhe të mbështetet në Rusinë dhe Kinën duke zhvilluar bashkëpunim me të gjitha vendet evropiane dhe të mbrojë interesat e sah shtetërore edhe nacionale”, tha Sheshel.