Presidenti i Kroacisë, Zoran Milanoviq, duke komentuar një dokument që po qarkullon ditëve të fundit në media mbi ndryshimin e kufijve në Ballkan, shpreson se ai ‘non-paer’ nuk ka dalë nga kryeministri slloven Janez Jansha.
Ditët e fundit, në fokus të mediave në rajon ishte një ‘non-paper’ i pretenduar për ndryshimin e kufijve të shteteve të Ballkanit dhe riorganizimin e tyre mbi baza etnike, ku përfshihet edhe Kosova dhe Shqipëria, e që si autorë të këtij dokumenti përmenden zyrtarët e lartë shtetëror sllovenë, të cilët një gjë të tillë e kanë mohuar, shkruan gazeta kroate “Index.hr”.
Lidhur më këto pretendime ka folur edhe presidenti kroat Zoran Milanoviq.
“Kur bëhet fjalë për shpërbërjen paqësore të Bosnjës e Hercegovinës, kjo është një temë aq jo serioze dhe e rrezikshme e cila nuk duhet të vihet as në ‘non-paper’, kushdo që do ta ketë bërë atë”, ka thënë presidenti kroat.
“Çfarëdo ndarje paqësore – Kroacia deri te Drina, Beogradi deri te Una – nuk vjen në shprehje”, ka deklaruar Milanoviq, duke përdorë fjalë të rënda për dokumentin.
Presidenti slloven Borut Pahor tha të premten në një konferencë shtypi se ai është i përkushtuar për integritetin e Bosnjës dhe Hercegovinës, se është kundër ndryshimit të kufijve në Ballkan dhe se angazhohet për përshpejtimin e anëtarësimit në BE të gjitha vendeve të rajonit.
Kryeministri slloven Janez Jansha gjithashtu ka mohuar dërgimin e ndonjë ‘non-paer’ në Bruksel, kurse mediat e afërta me të thanë se këto akuza ishin një përpjekje nga opozita e brendshme [sllovene] për të kompromentuar kryeministrin para se Sllovenia të marrë presidencën e BE-së në fillim të korrikut.
Presidenti kroat thotë se shpreson që dokumenti jozyrtar diplomatik të mos ketë dalë nga Lubjana, sepse “objektivisht, unë i respektoj ata shumë dhe nuk mendoj se ata janë aq të ‘krrisur’”, thotë presidenti.
“Pavarësisht nëse vjen nga ai (Jansha) apo jo, për këtë nuk kam ide, por do t’i thosha cilitdo që është autori të mbajë duart larg nga Bosnja dhe Hercegovina”, vuri në dukje Milanoviq.
Për kryeministrin slloven, Milanoviq thotë se “ai di të jetë shumë i tmerrshëm dhe edhe diçka tjetër përveç kësaj.
“Ai, Jansha, në fakt, ishte nuk dua të them i mirë ndaj Kroacisë, por ishte e qartë se pas tij kishte një mbështetje që është e vazhdueshme në politikën sllovene dhe kjo është arsyeja pse ai ndonjëherë më befasoi me disa qëndrime të tij konstruktive, pavarësisht nga fakti se ai di të thotë shumë”, tha Milanoviq.
Ai hedh poshtë mundësinë e shpërbërjes së Bosnjës dhe Hercegovinës dhe kërkoi që kroatëve t’u kthehen të drejtat e tyre themelore kushtetuese nga Dejtoni.
Milanoviq gjithashtu nuk beson se presidenti serb Aleksandar Vuçiq qëndronte prapa idesë së bashkimit të Kosovës me Shqipërinë.
“Pra, së pari njohja e Kosovës, çfarë është shumë, dhe pastaj bashkimi i Kosovës dhe Shqipërisë”, tha Milanoviq, përcejll telegrafi.
Sipas presidentit kroat, që ajo ide të vinte nga Beogradi, “ajo është një kombinatorikë që shkon përtej imagjinatës edhe të skenaristëve më të mirë të Beogradit të serialeve të krimit, siç janë: ‘Manjati’, ‘Mocvara’, ‘Besa’ dhe të ngjashme”.
Portali slloven “Necenzurirano” gjatë javës publikoi përmbajtjen e ‘non-paer’ të patitulluar dhe pa nënshkrim dhe të shkruar në anglisht, të cilin e publikuan shumë media të tjera në Slloveni, por me vërejtjen se nuk është konfirmuar as nga Këshilli Evropian dhe as nga Komisioni Evropian.
Në media u tha se kryeministri slloven Janez Jansha i ksiht dorëzuar Presidentit të Këshillit Evropian, Charles Michel, një dokument mbi prioritetet e presidencës sllovene të BE-së, në të cilat, siç thuhet, janë përcaktuar udhëzimet mbi “shpërbërjen përfundimtare të Jugosllavisë.
Behët fjalë për një dokument diplomatik jozyrtar, për shpërbërjen e Bosnjës dhe Hercegovinës, bashkimin e Republikës Srpska me Serbinë dhe bashkimin e Kosovës me Shqipërinë, i cili titullohet “Ballkani Perëndimor – rruga përpara