Në një paraqitje në fjalimin e natës, presidenti ukrainas, Volodymyr Zelensky ka njoftuar se kishte shkarkuar dy anëtarë të lartë të shërbimit të sigurisë kombëtare të Ukrainës me arsyetimin se ishin “tradhtarë”.
“Sot u mor një vendim tjetër për antiheronjtë”, tha ai. “Nuk kam kohë të merrem me të gjithë tradhtarët, por gradualisht të gjithë do të ndëshkohen”.
- Advertisement -
Ai foli për dy zyrtarët e lartë, duke shtuar se ata “që thyejnë betimin ushtarak të besnikërisë ndaj popullit ukrainas… do të privohen në mënyrë të pashmangshme nga grada të larta ushtarake”.
Në adresën e tij video, Zelensky ka përshkruar forcat ruse si “të liga”.
Ai tha se “pushtuesit janë përpjekur të depërtojnë dhe të zënë një vend në shtëpinë tonë nga drejtime të ndryshme – nga toka, nga qielli, nga deti”.
- Advertisement -
“Përbindësha që djegin dhe plaçkitin, që sulmojnë dhe janë të prirur për vrasje”.