Presidenti i Ukrainës, Volodymyr Zelensky ka njoftuar se ka realizuar një bisedë me presidenten e Komisionit Evropian, Ursula Von der Leyen, presidentin e Francës, Emmanuel Macron, kancelarin e Austrisë, Karl Nehammer si dhe presidentin e Turqisë, Recep Tayyip Erdogan lidhur me sanksionet konkrete kundër Rusisë.
Zelenksy deklaroi gjithashtu se i është premtuar ndihmë ushtarake nga Komisioni Evropian, Turqia dhe Austria.
“Ne po e krijojmë një koalicion anti-Putin. Fola me presidenten e Komisionit Evropian, Ursula von der Leyen, presidentin e Francës, Emmanuel Macron, kancelarin e Austrisë, Karl Nehammer presidentin e Turqisë, Recep Tayyip Erdogan rreth sanksioneve konkrete dhe ndihmës konkrete për ushtrinë tonë. Ne jemi në pritje të veprimeve vendimtare”, shkroi presidenti ukrainas.
We are creating an anti-Putin coalition. I spoke with @vonderleyen, @EmmanuelMacron, @karlnehammer and @RTErdogan about concrete sanctions and concrete assistance for our military. We are waiting for decisive action.
— Володимир Зеленський (@ZelenskyyUa) February 24, 2022