Koalicioni Nisma Socialdemokrate dhe AKR do të bëhet pjesë e Kuvendit të Kosovës.
- Advertisement -
Burime mirëinformuara brenda Nismës dhe KQZ-së, thonë se ky koalicion parazgjedhor shkon në 5.04 për qind.
Ata kanë treguar për EO, se ky koalicion ka vota të mjaftueshme për të kaluar pragun zgjedhor prej 5 për qind.
Me këtë përqindje, Nisma Socialdemokrate dhe AKR sigurojnë 6 ulëse.
- Advertisement -
Nga këto 6 ulëse të Kuvendit, një do ta ketë Behgjet Pacolli nga AKR dhe kandidatja e kësaj partie, Myzejene Selmani, e cila ende nuk është konfirmuar; ndërsa 4 të tjerat do t’i takojnë Nismës.
Fatmir Limaj, Vesel Krasniqi, Arbëreshë Krasniqi dhe Albulenë Balaj, janë kandidatët që pritet të jenë deputetë në legjislaturën e shtatë.