Lëvizja Vetëvendosje rrezikon të mbetët me dy asamblistë më pak në Kuvendin Komunal të Shtimes, pasi disa prej tyre nuk janë të kënaqur me punën e kryetarit Qemajl Aliu.
Reshat Mujota dhe Heroina Selmani pritet të vazhdojnë detyrën e tyre në kuvend si asamblistë të pavarur. Këtë e ka konfirmuar për Paparacin vet Mujota.
Ai duke i shprehur pakënaqësitë ndaj Aliut, tha se kryetari nuk iu është përmbajte marrëveshjes që kanë pasur para zgjedhjeve
Na pritet me dal. Na me kryetarin i kemi pas disa marrëveshje para se me fitua, këtu nuk ka asamblistë me përvojë, e shumë pakënaqësi tjera.
Sot në mëngjes jemi takuar me kryetarin Aliu, kemi biseduar por nuk kemi arrit me u dakordua. E kemi parë që nuk ka meritrokraci, janë zotu për meritokraci e këtu nuk ka”, u shpreh ai për Paparacin.
Tutje, Mujota tha se nuk do t’i bashkohet asnjë partie, por do të vazhdojë për katër vjet si asamblist i pavarur.
Nga zgjedhjet lokale, VV-ja arriti t’i fitojë tetë vende në kuvendin komunal të Shtimes.