Opinionisti Nexhmedin Spahiut, ka reaguar ndaj veprimeve të PSD-së në protestën e së shtunës kundër Asociacionit.
Spahiu ka kërkuar nga Prokuroria që të nis veprimet pasi një flamur i Kosovës u pa i përdhosur në protestë.
Ai është treguar edhe më i ashpër, duke kërkuar që policët që kanë qenë në detyrë gjatë protestës, të largohen nga puna dhe të dënohen.
“Opozitarizmi nuk guxon me vu në lojë vlerat e shenjta kombëtare.
Nuk poshtërohet flamuri kombëtar i Kosovës para ndërtesës së Qeverisë (dhe askund tjetër). Flamuri I Kosovës duhet të mbrohet me jetën e ushtarit e me jetën e policit.
Policët që kanë qenë në detyrë duhet të largohen nga puna e të denohen.
Simbolikat antiqeveritare të PSD duhet të manifestohen në forma tjera e jo me veprime antikombëtare.
Kjo fyen çdo patriot të vendit përfshi ata që janë kundër Albin Kurtit.
Prandaj prokuroria duhet të veprojë.” – ka shkruar Spahiu në Facebook.