Presidenti i Rusisë, Vladimir Putin, i bëri thirrje Ukrainës që të urdhërojë Iuftëtarët e saj të strehuar në fabrikën e rrethuar të çelikut Azovstal në portin ukrainas të Mariupolit për të ulur armët e tyre.
Sipas Kremlinit, në një telefonatë me kryeministrin e Izraelit, Naftali Bennett, këtë pasdite, Putin pretendoi se Rusia ishte ende e gatshme të siguronte kalim të sigurt për civilët nga uzina.
Zëdhënësi i Kremlinit Dmitry Peskov më herët sot mohoi se trupat ruse kishin hyrë në uzinë, duke kundërshtuar pretendimet e zyrtarëve dhe Iuftëtarëve ukrainas se Iuftime të ashpra po zhvilloheshin brenda.
Ndërkohë prokurorja e përgjithshme në Ukrainë, Iryna Venediktova, deklaroi se janë 4 mijë viktima mes civilëve, nga të cilët 221 fëmijë, ndërsa mbi 400 fëmijë janë plagosur. Duke folur në me video-në konferencën ndërkombëtare të prokurorëve të vendeve të Këshillit të Evropës dhe të shteteve vëzhguese dhe të Mesdheut, që po zhvillohet në Palermo, ajo kërkoi mbështetjen e bahskësisë ndërkombëtare, raporton A2news.
“Sot kjo zgjedhje e anës së bashkësisë ndërkombëtare në favor të Ukrainës në këtë Iuftë brutale është e rëndësishme”.