Disa pjesë të raportit të Qendrës Wilson për Kosovën janë në përputhje të plotë me pikëpamjet e Presidentit të SHBA-ve, Joseph Biden, mirëpo ka segmente që shkojnë përtej pikëpamjeve të tij, ka thënë për mediumin serb Danas, politologu amerikan dhe ekspert për çështjen e Ballkanit Perëndimor, Gregory Raymond.
Politologu Raymond ka bashkëbiseduar me mediumin serb lidhur me publikimin e fundit të Qendrës Wilson, i cili në bazë të analizës së bërë konsideron që është e nevojshme të forcohet sovraniteti i Kosovës.
Ai ka thënë se Qendra Wilson është “një nga 148 qendrat e studimit me qendër në Uashington, e lidhur me Institucionin Smithsonian dhe që merr një të tretën (1/3) e fondeve të saj nga qeveria amerikane”.
– Qendra Wilson vlerësohet, veçanërisht për punën e saj në zhvillimin ndërkombëtar, por nuk është aq me ndikim në politikën e jashtme dhe të mbrojtjes si disa qendra të tjera studimi, përfshirë Carnegie Endowment for International Peace, RAND Corporation, Brookings Institution, Atlantic Council, marrëdhëniet e Këshillit të Jashtëm dhe Qendra për Studime Strategjike dhe Ndërkombëtare, ka thënë ai.
Ai ka thënë se krahasuar me Qendrën Wilson, qendrat e ndryshme të studimit prodhojnë një “ton” raportesh, të cilat po fitojnë gjithnjë e më shumë hapësirë në rrjetet sociale
Informacionet që marrin nga këto qendra dhe nga publikimet që bëjnë, zyrtarët e rangut të lartë dhe ata që “formojnë” politikën amerikane jo rrallë herë ndihen “të tronditur” nga informacioni që marrin, ka thënë Raymond.
Politologu amerikan i referohet ish-sekretarit e diplomatit amerikan të SHBA-ve, Henry Kissinger për sa i përket raporteve për tema.
Etja për informacion nuk shuhet madje ata “lexojnë vetëm përmbledhje të raporteve që trajtojnë tema në të cilat ata kanë ndonjë interes personal, ose që është e rëndësishme për ta në një kuptim politik”.
Ai tutje thotë se kur plotësohet një nga këto dy kushte, stafi i tyre i lexon pastaj raportet plotësisht. “Qëllimi i shumicës së këtyre dokumenteve është të “drejtojë” ata që i japin formë politikës në një drejtim të caktuar”.
Sipas politologut amerikan, Raymond, raporti i Qendrës Wilson “është një përpjekje për t’i kthyer SHBA-të në një drejtim të ri pasi që Donald Trump nuk është më president.
Raymond konsideron se presidenti amerikan, Biden ka qenë i angazhuar me çështjen e COVID-19, tërheqjen e trupave amerikane nga Afganistani dhe çështje të tjera dhe sipas tij, “Biden deri më tani ka qenë “relativisht i qetë” sa i përket Ballkanit Perëndimor”.
Mirëpo, në Ballkanin Perëndimor duhet të mbizotëroj influenca amerikane përball asaj ruse e kineze dhe Raymond është i mendimit “se ka disa pjesë të këtij raporti që janë në përputhje me pikëpamjet e Biden, për shembull – të drejtat e njeriut, nevoja për të ndërtuar demokracinë, kundërshtimi i ndikimit rus dhe kinez”.
Por, në raport ka edhe “pjesë që, më duket, shkojnë përtej asaj që mendon Biden. Prandaj, ky raport është një përpjekje për ta “drejtuar më tej” atë, si dhe bashkëpunëtorët e tij”.
Gregory Raymond përfundon se Biden personalisht “ka shumë të ngjarë të mos e lexojë kurrë” raportin e Qendrës Wilson, por “mbetet pyetja” nëse tezat nga dokumenti në fjalë “do të prekin zyrtarët e Departamentit të Shtetit dhe bashkëpunëtorët e tyre që merren me Ballkanin”, përcjell Danas.