Qeveria e Kosovës i ka bërë thirrje presidentit të vendit, Hashim Thaçi që të bëj kërkesën për hapjen e ambasadës në Izrael.
Kjo u bë e ditur gjatë takimit të kryeministrit Avdullah Hoti dhe ministres së Punëve të Jashtme, Meliza Haradinaj Stublla.
- Advertisement -
Hoti ka dhënë pëlqimin e tij për ta dërguar te presidenti Hashim Thaçi kërkesën për hapje të misionit diplomatik në Izrael.
“Izraeli është partner strategjik i Kosovës dhe vendosja e marrëdhënieve diplomatike mes dy vendeve vie si rezultat i marrëveshjes së 4 shtatorit në Shtëpinë e Bardhë”, ka thënë Hoti.
Kujtojmë se Kosova dhe Izraeli kanë vendosur marrëdhënie diplomatike me njëra-tjetren, kjo pas marrëveshjes së nënshkruar në SHBA më 4 shtator.