Qeveria në ardhje, Duda Balje ende s’ka vendosur

Deputetja nga komuniteti boshnjak, Duda Balje ka thënë se ende nuk ka një vendim se a do të votojë apo jo qeverinë Kurti.

Ajo tha se është hap i mirë nominimi i një ministri nga komuniteti jo serb, por që ende janë në konsulta.

Ndryshe, pas më shumë se një orë pauzë, deputetët janë kthyer në sallën e Kuvendit të Kosovës.

Kuvendi shkoi në pauzë pas kërkesës së LDK-së.

Kujtojmë që ende nuk është hedhur në votim kabineti qeveritar i propozuar nga mandatari për formimin e Qeverisë, Albin Kurti.

Para se të shkohet në pushim, nënkryetarja e Kuvendit, Arbërie Nagavci, njoftoi se janë paraqitur për të marrë fjalën edhe 13 deputetë të tjerë.