Kryeministri Edi Rama ka vizituar në Egjipt, xhaminë dhe varrin e Muhamed Aliut, shqiptari që admirohet si babai i shtetit modern egjiptian.
“ Kajro, Egjipt- Vizitë në xhaminë dhe varrin e Muhamed Aliut, shqiptari që admirohet sot e gjithë ditën si babai i shtetit modern egjiptian ” shkruan Rama.
Gjatë vizitës ai u shoqërua nga kabineti qeveritar dhe nga homologu i tij Moustafa Madbouly.
“Njihet si fortesa e Muhamed Aliut. Ai ishte shqiptar dhe e konsiderojmë themeluesin e Egjiptit të ri. Xhamia është ndërtuar në kujtim të Osman Pashës, djalit të tij. Xhamia është me të njëjtin stil me atë të xhamive otomane. Arkitekti i kësaj xhamie është nga Stambolli. Ky ndërtim është një shkëmbim influencash nga Turqia në kohën otomane. Xhamia është një pikë reference e Kajros. Kemi deri në 5 mijë turistë në ditë”- tha kryeministri egjiptian, Madbouly.
Kreu i qeverisë shqiptare është pritur me ceremoni shtetërore nga autoritetet gjatë vizitës në Egjipt. Rama u prit në takim edhe nga Kryeministri i Republikës arabe të Egjiptit, Moustafa Madbouly.
Më herët Shqipëria dhe Egjipti nënshkruan sot në Kajro tre marrëveshje bashkëpunimi në fushën e kulturës.
Në përbërje të delegacionit shqiptar që shoqëron kryeministrin Rama në vizitën e tij në Kajro, janë edhe ministri i Brendshëm, Bledi Çuçi dhe ministrja e Kulturës, Elva Margariti.