Kryeministri Edi Rama ka shkuar ditën e sotme në Mirditë, në bujtinën e Kolës.
Ai ka inspektuar të gjithë biznesin, ndërkohë që ka komentuar dekorin e bujtinës. Gjatë vizitës, Rama ka vënë re disa piktura që nuk i kanë pëlqyer dhe i ka kërkuar pronarit të bujtinës, Kolës që t’i zëvendësojë me kostumet popullore të zonës.
Pjesë nga biseda:
Rama: Merrni rrugën për Mirditë dhe nuk keni vetëm Kolën por keni disa si Kola, dhe ju ofrojnë gjithçka që e bëjnë të bukur traditën shqiptare e mbi të gjitha traditën mirditore. Jam shumë krenar që i kemi dhënë mbështetje që toka e të parëve të bëhet e ardhmja. Mjafton të rilindë shtëpia e të parëve të hapet dera të ofrohet buzëqeshja dhe mikpritja për çdo mik. E ardhmja është e sigurt. Shumë më tepër fitime këtu sesa me qenë në emigracion për një pagë.
Kola: Për të gjitha ato që the jam totalisht dakord. Por…
Edi Rama: Pse del me humbje ti?
Kola: Jo jo nuk dal…
Rama: Këto pikturat mund të ishin kudo, dakord, jo këtu.
Kola: Të thjeshta…
Rama: Ja këto mi hiq (tregon kornizat ne mur), vej zonën, keni kostumet popullore më të mrekullueshme të rajonit…
Kola: Këto janë me ballkon (dhomat), të tjerat jo…
Rama: Avash avash…
Kola: Janë 6 dhoma, po pesë se një e kam për personelin…