Tenori kosovar me famë ndërkombëtare, Ramë Lahaj, në vazhdimësi ia thotë këngës shqipe, kurdo e kudo nëpër botë.
Kështu veproi edhe dje pranë teatrit në Nancy të Francës, kur takoi dy muzikantë shqiptarë dhe kënduan “S’paske pas një pikë mëshirë”.
- Advertisement -
Lahaj thotë se teksa i gjeti muzikantët duke luajtur muzikën e bukur shqipe iu bashkua dhe shoi mallin bashkë me ta.
“Për më shumë se një muaj provash të gjata e të lodhshme të produksionit të ri të Tosca-s këtu në Nancy të Francës, sot shpirti më gjeti qetësinë kur mbas një dite të ngarkuar me të dalë nga Teatri gjej dy muzikant shqiptarë që po luanin muzikën e bukur Shqipe ❤️💙 e unë si amator i saj, patjeter që u ula të shuaj mall bashkë me ata… Zoti u bekoftë kudo që jeni miq, e paçi një fundjavë të lumtun me ma të dashtunit tuaj”, ka shkruar Lahaj.