Raportuesja për Kosovën në Parlamentin Evropian, Viola Von Cramon ka përkrahur propozimin e Kryeministrit Albin Kurti që te merret vendim për heqjen e tarifës 100 për qind për lëndën e parë që importohet nga Serbia dhe Bosnja e Hercegovina, raporton Gazeta Express.
Von Cramon ka shkruar në Twitter se propozimi i Kurtit për heqjen e tarifës duhet të vlerësohet nga Këshilli Evropian që përfundimisht të heq vizat për Kosovën.
“Një sinjal shumë i rëndësishëm nga Albin Kurti. Kjo duhet të vlerësohet nga Këshilli i Evropës(në veçanti nga Berlini) që përfundimisht të heq regjimin e vizave për Kosovën”, ka shkruar ajo në Twitter.
Very important signal indeed by @albinkurti this should be appreciated by the #EUCouncil (in particular by #Berlin) by finally abolishing the #visaregime for #Kosovo https://t.co/bSJvmgWDaT
— Viola von Cramon (@ViolavonCramon) February 29, 2020
Viola von Cramon i ka bërë një replikë postimit të ambasadorit gjerman në Kosovë, Christian Heldt, i cili ka shpërndarë njoftimin zyrtar të Bashkimit Evropian lidhur me propozimin që të merret vendim për heqjen e tarifës 100 për qind për lëndën e parë që importohet nga Serbia dhe Bosnja.