Raportuesja për Kosovën në Parlamentin Evropian, Viola Von Cramon ka reaguar pas votimit të qeverisë Hoti në Kuvendin e Kosovës.
Von Cramon i ka uruar suksese Avdullah Hotit por e ka thënë se nuk duhet të mbyllen sytë krahas presionit të fuqishëm ndaj deputetëve për votimin e qeverisë nga ana e Presidentit Thaçi.
“I uroj punë të suksesshme z.Avdullah Hoti dhe qeverisë së tij në Prishtinë.
Qeveria ka shumë punë për të bërë, këto janë rrethana kruciale për çështjet e brendshme dhe ndërkombëtare.
Shpresoj që qeveria e re do të jetë në gjendje të zhvillojë reformat dhe të punojë për një Kosovë më të mirë.
Megjithatë ne s’mund të bëhemi të verbër rreth votimit të z.Hotit. Deputetët e Parlamentit të Kosovës ishin nën presion të madh nga lidershipi i LDK’së nga Presidenti Thaçi”, ka deklaruar Von Cramon.
I wish a successful work for @Avdullah as a PM of #Kosovo However, as a parliamentarian myself, I find the news about pressure on individual MPs very alarming. Parliament holding the gov accountable is a key principle in democracies. My full statement: https://t.co/SgAd1K90r2
— Viola von Cramon (@ViolavonCramon) June 3, 2020