Reagojnë nga Presidenca për deklaratën e Spahiut ku tha se “Vjosa Osmani merr rrogë 40 fishin e pensionit të nanës sime””

Date:

Bekim Kupina, këshilltari i presidentes, Vjosa Osmani, e ka demantuar publicistin Nexhmedin Spahiun, pasi ky i fundit foli për pagën e presidentes duke e krahasuar me pensionin minimal në Kosovë, e pastaj duke krijuar një analogji tjetër me pagën e presidentit të Serbisë, Aleksandër Vuçiq.

Një kritikë e Spahiut drejtuar Osmanit rreth pagës së saj, krahasuar me atë të Vuçiqit, bëri të reagojë këshilltari i presidentes duke thënë i pari i Serbisë mund të paguhet më pak, por mbetet i lidhur me bandat e KRlMlT.

“Dihet se Presidentja ka vetëm një burim të ardhurash dhe drejton një institucion, në të cilin paratë e taksapaguesve trajtohen me përgjegjësi maksimale. Në të kundërtën, Vuçiqi mund ta marrë zyrtarisht një pagë të një niveli tjetër, porse mbetet i lidhur me bandat KRlMlNALE sikurse edhe nivel të lartë të korrupsionit. Serbia mund të ketë të hyra të shumta, porse i përdor për investime në ushtrinë e saj me armatim nga Rusia, duke e kërcënuar gjithë rajonin”, ka shkruar Kupina.

Fillimisht, Spahiu tha se Vuçiq merr pagë katër herë më të madhe se pensioni më i ulët në Serbi, ndërsa Osmani merr pagë 40 fish më të madhe se pensioni më i ulët në Kosovë.

“Dallimi mes pensionit më të ulët në Serbi dhe pagës më të madhe në Serbi (që është e Presidentit Vuçiq) është 4 herë. D.m.th Vuçiq merr rrogë 4 fishin e pensionit më të ulët në Serbi. Ndërsa Presidentja Osmani merr rrogë 40 fishin e pensionit të nanës sime. Por rroga e Presidentes Osmani nuk është rroga më e madhe në sektorin publik në Kosovë”, ka shkruar Spahiu në facebook.

E Kupina tha se Spahiu po bën propagandë. Kupina tha se presidentja Osmani e ka pagën 2 mijë e 700 euro, e jo 4000 siç pretendon Spahiu.

“Paga që e merr Presidentja është 2700 euro (e jo 4000) dhe kjo e dhënë është publike”, është shprehur këshilltari i Osmanit.

Tutje, Kupina tha se Spahiu duke tentuar ta kritikojë presidenten Osmani, ka dërguar lëvdata në drejtim të presidentit të Serbisë.

“Ai ka drejtuar kritika ndaj nivelit të pagës së Presidentes (pagë të cilën nuk e ka caktuar Presidentja Osmani) e në këtë kontekst ka lavdëruar presidentin e Serbisë, i cili sipas tij merr pagë më të ulët”, ka thënë Kupina.

Shpërndaje postimin:

Rekomanduar

Më shumë si kjo
Të lidhura

AAK-ja e Ramush Haradinajt paralajmëron protesta kundër shtrenjtimit të çmimit të rrymës

Pas PSD-së, edhe partia opozitare AAK, ka paralajmëruar protesta...

Profesori amerikan: Furnizimi i Serbisë me armë nga Rusia ka më shumë implikime politike sesa kërcënim ushtarak

Furnizimi i Serbisë me armë nga Rusia po konsiderohet...

Befason ministrja Albulena Haxhiu del në një serial televiziv

Ministrja e Drejtësisë, Albulena Haxhiu është shfaqur së fundmi...

Sinjale negative nga Franca për vizat: Kosova s’i ka plotësuar 95 kriteret e BE-së në mënyrë efektive

Franca, që po e udhëheq presidencën e BE-së, është...