Eurodeputeti holandez Thijs Reuten, i cili është edhe raportues për liberalizimin e vizave për Kosovën në Parlamentin Europian, ka thënë se duhet të marrë fund zbutja e presidentit të Serbisë në procesin e dialogut me Kosovën.
Refuzimin e Vuçiqit për të nënshkruar marrëveshjen të hënën e quajti të turpshëm.
“Refuzimi i turpshëm i Vuçiqit për të nënshkruar marrëveshjen e normalizimit me Republikën e Kosovës, të cilën ai e ‘pranoi’ të hënën, sugjeron qartë se Serbia po luan vetëm për kohë. Përsëri. Zbutja duhet të marrë fund. Karotat kanë dështuar. Nxirrni shkopinjtë”, ka shkruar ai në Twitter.
As disappointing as it is unsurprising.
Vučić’s shameful refusal to sign the normalization agreement with Republic of Kosovo, which he ‘accepted’ on Monday, clearly suggests Serbia is just playing for time. Again.
Appeasement must end. Carrots have failed. Take out the sticks. pic.twitter.com/1NThLVShsn
— Thijs Reuten 🇪🇺🌹 (@thijsreuten) March 1, 2023
Kryeministri Kurti pas takimit trilateral të së hënës ka deklaruar se ai ishte i gatshëm të nënshkruante propozimin e BE-së, por se gatishmëri s’pati edhe nga pala tjetër.
Ndërkaq, BE e ka prezantuar si arritje të marrëveshjes meqë të dyja palët i kanë thënë po këtij propozimi dhe se janë pajtuar që më të mos diskutohet mbi të, por për zbatimin e tij.