BBC News Arabic ka raportuar se Rusia ishte duke rekrutuar ushtarë nga Siria për t’i çuar në vijën e parë të frontit në Ukrainë. Sipas tyre, pagesa mujore për një ushtar të tillë ishte reth 5900 euro, ndërsa numri i ushtarëve tashmë të rekrutuar ishte 16 mijë.
BBC raporton se Rusia madje është duke përdorur mediat sociale në Siri për tu bërë kërkesë rekrutëve të mundshëm t’i bashkohen ushtrisë ruse.
- Advertisement -
Ndërkohë, një vullnetar sirian pranoi se ai e dinte që Rusia kishte kryer një masakër në Ukrainë, por doli vullnetar sepse pjesëmarrja në luftime lejoi shumë sirianë të varfër të mbanin familjet e tyre.
Ai pranoi se ai vetë ishte vullnetar për shkak të parave të ofruara. Ai tha se familja e tij nuk donte që ai të largohej, por atij iu premtua se nëse vdiste, të afërmit e tij do të merrnin ekuivalentin e 37,000 dollarëve. Ai shtoi se njeh të paktën 200 persona që kanë dalë vullnetarë.