Ish-emisari i Posaçëm i Shteteve të Bashkuara të Amerikës për dialogun Kosovë – Serbi, Richard Grenell ka reaguar pas rezultatit të zgjedhjeve të djeshme në Kosovë.
Ai ka thënë se populli i Kosovës i ka dërguar mesazh të fortë kryeministrit të Kosovës, Albin Kurti për refuzimin e projektit të gazit dhe mospajtimet e tij lidhur me Marrëveshjen e Washingtonit.
“Populli i Kosovës i ka dërguar një mesazh të fortë Albin Kurtit se është e papranueshme të refuzosh energjinë e tipërtëritshme të pastër dhe Marrëveshjet e Normalizimit Ekonomik të nënshkruara në Zyrën Ovale.”, tha Grenell.
Kosovo people have sent a strong message to @albinkurti that it is unacceptable to reject the U.S., clean renewable energy & the Economic Normalization Agreements signed in the Oval Office.@VjosaOsmaniPRKS has also made it clear to the U.S. that she doesn’t agree with Kurti.
— Richard Grenell (@RichardGrenell) November 15, 2021
Partia e Kurtit ditën e djeshme arriti t’i fitojë vetëm 4 komuna në zgjedhjet lokale, duke dalë kështu subjekti më i dobët politik në këto zgjedhje.
LVV siguroi udhëheqjen e Gjilanit, Shtimes, Podujevës e Kamenicës.