Hetimi i Agjencisë Evropiane të Barnave (EMA) ka arritur në një përfundim mbi vaksinën AstraZeneca.
Pas një takimi sot, Drejtoresha Ekzekutive e EMA-s, Emer Cooke tha se agjencia “ka ardhur në një përfundim të qartë shkencor. Ajo është një vaksinë e sigurt dhe efektive”.
Sidoqoftë ajo shtoi, “ne nuk mund të përjashtojmë një lidhje” midis rasteve të mpiksjes së gjakut dhe vaksinës.
Cooke tha se përfitimet e vaksinës tejkalojnë rreziqet, raporton cnn.
“Unë dua të ritheksoj se pozicioni ynë shkencor është ky. Vaksina është një mundësi e sigurt dhe efektive për të mbrojtur qytetarët kundër COVID-19”, tha Cooke.
“Ajo demonstroi që të paktën 60 për qind e efikasitetit në provat klinike dhe parandalimin e sëmundjes së coronavirusit dhe në fakt provat e botës reale sugjerojnë se efektiviteti mund të jetë edhe më i lartë se kaq”, shtoi ajo.