Disa organizata të huaja u kanë dërguar e-mail punëtorëve të stafit që t’i shmangin vizitat në qendrën tregtare Albi Mall në Prishtinë dhe në qendrat tregtare në Ferizaj, pasi ka rrezik për një suIm të mundshëm.
Në e-mailin që ka siguruar Sinjali thuhet se arsyeja është një rrezik i mundshëm deri më 30 nëntor.
Sipas informacioneve, kërcënimi i sigurisë thuhet se vjen nga një person i vetëm.
“Është marrë informacion se një ekstremist “ujk i vetmuar” mund të planifikojë një suIm në një nga qendrat tregtare. Koha e mundshme është deri më 30 nëntor. Policia është duke e vëzhguar të dyshuarin. Për të qenë të sigurt, të gjithë anëtarët këshillohen që të shmangin vizitat në zonat e mëdha tregtare, veçanërisht qendrën tregtare Albi dhe qendrat tregtare në Ferizaj/Uroševac“, thuhet në e-mail.