Një aeroplan privat është rrëzuar në një periferi të Milanos, në Via Marignano dhe sipas mediave italiani asnjë nga gjashtë personat që kanë qenë në bord nuk ka shpëtuar.
Agjencia e lajmeve ‘LaPresse’ citoi zjarrfikësit në vendngjarje duke thënë se piloti dhe të pesë pasagjerët në bord u vranë. Deri tani nuk dihen detaje mbi kombësinë e vktimave.
- Advertisement -
Zjarrfikësit shkruan në Twitter se askush tjetër përveç atyre në bord nuk ishte përfshirë në përpIasjen e aeroplanit pranë një stacioni të metrosë në San Donato Milanese, një qytet i vogël pranë Milanos. Ata thanë se disa makina në një parking aty pranë u dogjën.
‘Sky TG24’ shkruan se aeroplani po fluturonte midis aeroportit Linate të Milanos dhe ishullit italian të Sardenjës.