Konkursi i Këngës në Eurovizion, i cili gjithmonë përpiqet dhe dështon të jetë jopolitik, mund të ndërpritet nga hakerët rusë të etur për të ndalur mundësinë që Ukraina ta fitojë këtë kompeticion.
Forbes raporton se një grup hakerësh pro Putinit i njohur si Killnet lëshoi një kërcënim në një mesazh Telegram përpara konkursit në Itali të shtunën mbrëma, duke paralajmëruar se mund të “dërgojë 10 miliardë kërkesa” në sistemin e votimit në internet të konkursit dhe “të shtojë vota në ndonjë vend tjetër”.
Killnet ka marrë më parë në shënjestër Shërbimin Shëndetësor Kombëtar të Mbretërisë së Bashkuar, duke thënë se do të fikë ventilatorët në spitale nëse një nga anëtarët e tyre të supozuar nuk lirohet.
Hakerët kanë pohuar gjithashtu se kanë sulmuar sistemin në fillim të kësaj jave gjatë gjysmëfinaleve të drejtpërdrejta, duke shkruar “nuk mund të votoni në internet”.
Ukraina konsiderohet si një nga favoritët për ta fituar këtë vit Eurovisionin.