Ukraina ka akuzuar forcat ruse që pushtuan ish-centralin bërthamor të Çernobilit se kanë vjedhur substanca radioaktive nga laboratorët kërkimorë, të cilat sipas tyre janë vdekjeprurëse.
Agjencia Shtetërore e Ukrainës për Menaxhimin e Zonës së Përjashtimit tha në Facebook se trupat ruse hynë në një zonë magazinimi të bazës kërkimore Ecocentre dhe vodhën 133 substanca radioaktive të rrezikshme.
- Advertisement -
“ Një pjesë e vogël e këtij aktiviteti është vdekjeprurës nëse trajtohet në mënyrë joprofesionale”, tha agjencia, duke shtuar se “vendi i substancave të vjedhura aktualisht nuk dihet”.
BBC thekson se nuk ka konfirmuar informacionet në mënyrë të pavarur.
Në fillim të kësaj jave, ministri i energjisë i Ukrainës, German Gulashchenko tha se ushtarët rusë u ekspozuan ndaj një sasie të rrezatimit bërthamor, duke thënë se disa prej tyre mund të kenë më pak se një vit jetë.