Moska zyrtare duket të jetë e kënaqur që edhe një herë Bashkimi Europian u tregua i ngurtë duke i mbyllur dyert dy vendeve ballkanike e njëkohësisht është e shqetësuar për përshkallëzim të mundshëm në Ballkan.
Kryeministri rus Dimitri Medvedev, tha të enjten mbrëma se Ballkani po mbetet një rajon problematik.
- Advertisement -
“Është e qartë se Ballkani mbetet një rajon thellësisht i paqëndrueshëm dhe ne duhet që kurrsesi të mos lejojmë një përsëritje të çdo lloj manifestimi dhune ose tentativash për të ndryshuar hartën e Ballkanit, por edhe çdo lëvizje të mundshme që mund të pasojë ndonjë katastrofë humanitare“.
Kryeministri i Federatës Ruse, Dimitri Medvedev, i bëri këto komente nga Serbia ku të enjten nisi një vizitë zyrtare. Medvedev, ish Presidenti rus që këmbeu postin me kryeministrin Putin, po ashtu u shpreh edhe për atë aë ai e cilësoi dominanca e amerikanëve në Ballkan e më gjerë.