Armëpushimi midis Azerbajxhanit dhe Armenisë u shkel për herë të dytë brenda një jave të premten, nga forcat azere që kaluan vijën e armëpushimit pranë Seysulan në rajonin Martakert të Republikës de-fakto të Artsakhut, njoftoi Ministria ruse e Mbrojtjes.
Forcat e Azerbajxhanit kaluan vijën e armëpushimit në Nagorno-Karabakh përpara se të ktheheshin në pozicionet e tyre pas bisedimeve me paqeruajtësit.
Kontingjenti paqeruajtës rus, në bashkëpunim me përfaqësuesit e Azerbajxhanit dhe Nagorno-Karabakut, morën masa për zgjidhjen e incidentit. Sipas Qendrës Informative të Republikës së Artsakhut, forcat e Azerbajxhanit u kthyen në pozicionet e tyre fillestare pas negociatave me forcat paqeruajtëse, shkruan JP.
Qendra Informative e NKR-së pohoi se forcat e Azerbajxhanit po përpiqeshin të përmirësonin pozicionet e tyre duke avancuar trupat.
Republika e Artsakhut është një republikë ‘de facto’ e njohur ndërkombëtarisht si pjesë e Azerbajxhanit. Në vitin 2020, zona ku ndodhet republika u rimor përsëri nga Azerbajxhani.