Presidenti amerikan Joe Biden organizon Samitin për Demokraci më 9 dhe 10 dhjetor dhe presidenti serb Aleksandar Vuçiç, kryeministri hungarez Viktor Orban dhe kryeministri polak Mateusz Moraëiecki nuk janë të ftuar në samit.
“Joe Biden po organizon një Samit virtual të Demokracisë në mes të dhjetorit. Vuçiç, Orban, polaku (Mateusz Moraëiecki) nuk janë të ftuar … … dhe liderë të tjerë antidemokratikë të botës. A ka rëndësi? Po, shumë shumë, le të presim dhe të shohim.” , shkroi në Twitter gazetari nga Beogradi Slobodan Stupar.
“Në mbarë botën, kapaciteti i dobët shtetëror, sundimi i dobët i ligjit, pabarazia e lartë dhe korrupsioni vazhdojnë të minojnë demokracinë. Në të njëjtën kohë, liderët autoritarë arrijnë përtej kufijve për të minuar demokracitë – nga shënjestrimi i gazetarëve dhe mbrojtësve të të drejtave të njeriut deri tek ndërhyrja në zgjedhje, derisa të pretendojnë se modeli i tyre është më i mirë për njerëzit. Aktorët armiqësorë po i përkeqësojnë gjithnjë e më shumë këto tendenca”, thuhet në faqen e internetit të Departamentit të Shtetit.
Ndryshe nga Vuçiç, kryeministri malazez Zdravko Krivokapiç do të ftohet në Samitin e Demokracisë të organizuar nga presidenti amerikan Joseph Biden, njoftoi ambasadorja amerikane në Mal të Zi Judy Rising Reinke, duke theksuar se ftesa është një akt respekti për rrugën e Malit të Zi.
Ndërkohë, as Bosnja dhe as Kosova nuk morën ftesë për samit.