Pasi senatori amerikan, Rand Paul bllokoi miratimin e ligjit për ndihmën prej 40 miliardë dollarësh për Ukrainën, një tjetër zyrtar amerikan tha se është kundër ndarjes së këtyre parave për ukrainasit.
Përkatësisht, Paul Gossar, një anëtar republikan i Dhomës së Përfaqësuesve nga Arizona, shkroi në Twitter se ndihma që qeveria amerikane synon të ndajë për të mbështetur Ukrainën janë humbje e parave të taksapaguesve amerikanë.
“Vitin e kaluar, Zelensky fitoi disi njëqind milionë dollarë si nëpunës civil. Ku mendoni se do të shkojnë në të vërtetë shumica e 40 miliardë dollarëve të ofruara për Ukrainën? Ne nuk duhet të dërgojmë asnjë cent”, shkroi ai.
Apparently, we’re only supposed to be ‘fiscally conservative’ when it comes to helping the American People. Over $30 trillion in national debt, record high costs of practically everything, but God forbid we vote NO on tossing $40 billion to Ukraine.
— Rep. Paul Gosar, DDS (@RepGosar) May 13, 2022
Sipas tij, presidenti Joe Biden synon të nisë një Iuftë me Rusinë, e cila do të rezultojë të jetë një gabim fatal për Amerikën me pasoja të nivelit global.
“Qeveria e Shteteve të Bashkuara duhet të merret me politikën e brendshme: të zgjidhë problemet me borxhin publik, inflacionin dhe emigracionin,” theksoi Gosar, duke shpjeguar vendimin për të votuar kundër ndihmës për Kievin.
Këtë javë, Dhoma e Përfaqësuesve e SHBA miratoi një paketë ndihme prej 40 miliardë dollarësh për Ukrainën. Dokumenti u dërgua në Dhomën e Lartë, por u bllokua atje nga senatori Paul.