Policia serbe ka përdorur gaz llotsjellës për të shpërnadarë protestuesit para Kuvendit të Serbisë, të cilët po kundërshtojnë shtrëngimin e masave kundër përhapjes së koronavirusit.
Protestuesit kanë hedhur mjete të forta në drejtim të policisë.
Protesta janë organizuar edhe në qytete tjera.
Në Novi Sad, protestuesit dëmtuan ndërtesën e Bashkisë në qendër të qytetit. Gjatë protestës, një zjarr ka shpërthyer në hyrje të ndërtesës.
Më parë, protestuesit në atë qytet u përpoqën të hyjnë në ndërtesën e Radio Televizionit të Vojvodinës (RTV).
Gjatë protestës, u goditën me gurë ambientet e Partisë Përparimtare Serbe në pushtet (SNS).
Protesta përkrahet edhe nga partitë opozitare serbe.
Më 7 korrik, pas një konference për media të presidentit serb, Aleksandar Vuçiq, qindra qytetarë u mblodhën para parlamentit serb për të kundërshtuar paralajmërimet për rivendosjen e orës policore.
Nga përleshjet para ndërtesës së parlamentit serb, mbetën të plagosur dhjetëra pjesëtarë të policisë dhe protestues.
Të mëkurën, presidenti serb, tha se Shtabi i Krizës mesiguri se nuk do të propozojë vendosjen e orës policore.
“Unë jam kundër që të mos vendoset ora policore”, tha Vuçiq, duke shtuar se një masë e tillë do të ndihmonte në përmirësimin e situatës me pandeminë.
Ai tha se protestat nuk kanë të bëjnë me koronavirusin por ato janë “dhunë politike” ndaj institucioneve të Serbisë.
Pamjet mund t’i shihni në linkun e mëposhtëm të B92.
https://www.b92.net/info/vesti/index.php?yyyy=2020&mm=07&dd=08&nav_category=12&nav_id=1704845