Në një të ardhme të parashikueshme, SHBA-ja do të mbajë 100 mijë ushtarë të stacionuar në Evropë.
Kjo do të ndodhë nëse Rusia shton kërcënimet ndaj Suedisë dhe Finlandës ose anëtarëve tjerë të NATO-s, thanë disa zyrtarë amerikanë.
Numri i ushtarëve amerikanë mund të rritet përkohësisht nëse NATO kryen më shumë stërvitje ushtarake në rajon dhe Shtetet e Bashkuara mund të krijojnë baza shtesë në Evropë nëse mjedisi i sigurisë ndryshon, thanë zyrtarët.
Plane të tilla po shqyrtohen pas takimit të djeshëm të liderëve të NATO-s në Bruksel dhe rekomandimet do të prezantohen në samitin e ministrave të Mbrojtjes të NATO-s në qershor.
Shtetet e Bashkuara e rritën kontigjentin e tyre në Evropë nga 60.000 ushtarë para pushtimit rus të Ukrainës, në rreth 100.000 ushtarë. Forcat që u bashkuan pas pushtimit të Ukrainës u vendosën kryesisht në vendet e krahut lindor të NATO-s.