Shkencëtari britanik, Brian Cox beson se në univers mund të ketë miliarda alienë. Ai e bëri një deklaratë të tillë para se Pentagoni të lëshojë një raport për UFO-t.
Shkencëtari tha për mediat britanike se objektet e pashpjegueshme fluturuese që janë pikasur nga pilotët mund të jenë anije kozmike të dërguara nga alienët për të eksploruar botën tonë.
- Advertisement -
“Duhet të ketë edhe jetë të tjera në univers. Unë nuk e imagjinoj dot që njerëzit janë të vetmit në univers.”
Ka pasur një interes të ri për UFO-t, në pritje të raportit të Pentagonit, që kur u lëshuan video ushtarake që tregojnë objekte të paidentifikuara fluturuese.
Ish-Presidenti i SHBA-së, Barack Obama gjithashtu i hodhi “benzinë zjarrit” kur pranoi se ka pamje të disa objekteve në qiell që nuk dihet se çfarë janë.