Një aspirator i avullit ka shpërthyer në orët e pasditës në komunën e Fushë Kosovës, në një banesë.
- Advertisement -
IndeksOnline ka siguruar disa pamje nga vendi i ngjarjes.
Si pasojë e shpërthimit brenda banesës janë shkaktuar dëme të konsiderueshme.
Po ashtu, nga fuqia e shpërthimit dritarja në dhomën ku ka ndodhur rasti ka rënë në tokë duke e dëmtuar një makinë.
- Advertisement -
Bajram Krasniqi nga PK për IndeksOnline ka thënë se nuk ka pasur asnjë person të lënduar.
“Në ora 16:36, policia është njoftuar për një rast në rrugën “Dardania” në Fushë Kosovë. Aty, në një banesë ka shpërthyer një aspirator i avullit. Nga ky rast nuk ka persona të lënduar pos disa dëmeve materiale.
- Advertisement -
Policia ka dalë në vendin e ngjarjes dhe është marrë me rastin”, tha ai.