Oficerët e Agjencisë së Sigurisë së Brendshme të Polonisë kanë arrestuar spiun të Rusisë që po fshihej nën petkun e gazetarit.
Burri akuzohet për pjesëmarrje në aktivitete të inteligjencës së huaj kundër Polonisë.
Personi që po shtirej si gazetar u identifikua si agjent i Drejtorisë kryesore të Inteligjencës të Shtabit të Përgjithshëm të Forcave të Armatosura të Federatës Ruse e njohur si GRU.
Ai kreu operacione në dobi të Rusisë, duke përfituar nga statusi i gazetarit, i cili i mundësoi të udhëtonte lirshëm nëpër botë dhe Evropë, duke përfshirë zonat e konfliktit ushtarak dhe territoret e shënuara me tensione politike.
I arrestuari po merrte informacion që, ndërsa përdorej nga shërbimet speciale ruse, mund të kishte pasur një ndikim negativ drejtpërdrejt në sigurinë e jashtme dhe të brendshme të Polonisë, si dhe në mbrojtjen polake. Para ndalimit ai kishte planifikuar të shkonte në Ukrainë për të vazhduar aktivitetin e tij.
Provat e shumta janë siguruar, të cilat tani i nënshtrohen një analize të hollësishme. Burri akuzohet për pjesëmarrje në aktivitetet e shërbimeve të huaja inteligjente kundër Republikës së Polonisë, e cila dënohet me 10 vjet burgim.